Ginbuyagyag ni Former Buenavista, Guimaras Mayor Eugene Reyes nga may mga senior citizens nga napatay lang sa ila banwa apang wala sa gihapon nakabaton sang cash incentives apisar nga may ordinansa.
Sa interview sang Bombo Radyo kay Former Mayor Reyes, iya ginpahayag nga sa idalom sang ordinance no. 1 series of 2022, ginahatagan sang cash incentives ang mga senior citizens nga naga-edad sang 80, 85, kag 90 pataas.
Suno kay Reyes, gintuyo sang ila grupo ni Sangguniang Bayan Member Vincent De Asis nga magpasar sang resolusyon bangud man sa urgency kag naligadan na sang duha ka tuig ang amo nga tikang.
Apang, ginbalabagan ini sang pila ka mga sangguniang bayan members, rason man nga mas desidido pagid sila nga ipasar ini.
Nahibaluan nga Hulyo, 2022 sang nagsugod untat ang cash incentives nga ginahatag sang Local Government sa mga senior citizens sa banwa sang Buenavista, Guimaras.
