Dako ang pagpasalamat ni former Buenavista, Guimaras Mayor Eugene Reyes sa Energy Regulating Commission (ERC) sa nangin madasig nga tikang sang ahensya kaangot sa reklamo sa mataas nga electricity rate sang Guimaras Electric Cooperative (GUIMELCO).
Sa interview sang Bombo Radyo kay Reyes, iya ginpahayag nga isa sa mga ginapanghakroy sang mga konsumidor sa isla sang Guimaras amo ang nagabili nga P17.68 per kilowatts nga kuryente.
Suno kay Reyes, 15 days ang ginhatag sang ERC sa nasambit nga kooperatiba agud nga masabat ang reklamo.
Ginpahayag man sini nga antes December 1, kinahanglan nga masabat sang GUIMELCO ang palamangkutanon kag ang reklamo.
Kon mapamatud-an naman nga naglapas ang GUIMELCO, mahimo nga ibalik ukon i-refund nila sa publiko ang nangin sobra sang ila pagpanukot.
Ngalaum naman ang natungdan nga mahatagan sila sang kopya sang sabat sang amo nga electric cooperative agud mangin transparent sa publiko ang agreement sang GUIMELCO.
