Ginbawian sang kabuhi ang isa ka retirado nga chief of police kag isa pa ka kaupod sini matapos gin-ambush sang riding-in-tandem nga mga suspek sa Datu Montawal, Maguindanao del Sur.
Ang napatay nga pulis amo si Elias Dandan nga assigned sadto sa Pikit Municipal Police Station (MPS) sa Cotabato.
Ang isa pa nga napatay amo si Raymund Bioy.
Lunsay residente sang Brgy. Kalawag, Pikit, Cotabato ang mga biktima.
Base sa imbestigasyon, sakay sa pickup truck ang duha sang ginpaulanan sang bala sang mga suspek antes nalagyo.
Gindala pa sang mga responders ang mga biktima sa ospital apang gindeklarar nga dead-on-arrival.
