Ginkumpirma sang isa ka outgoing top official sang British police nga nagapangatubang sanday Prince Harry kag Meghan Markle sang pamahog sa ila nga safety.
Suno kay Neil Basu, ang outgoing Assistant Commissioner sang Specialist Operations sa Scotland Yard, nakaimbestigar siya sang pila ka “disgusting” kag matuod nga mga pagpamahog batok sa Duke and Duchess of Sussex.
Lakip sa sini nga mga pamahog ang nagikan sa extreme right-wing terrorists.
May ihibalo si Basu sa sini nga mga isyu bangud siya anay ang nagpamuno sa counter terrorism kag siya man ang in charge sang royal protection antes nagbiya ang Sussexes sa United Kingdom.
Matandaan nga nagsaylo sanday Harry kag Meghan sa Los Angeles sang 2020 matapos nagtinir sa Canada.
Enero 2020 sang gin-anunsyo sang mag-asawa nga maga-step back sila bilang senior members sang royal family sa Britanya.
Sang nagtalikod na sa Royal Family, ginbuyagyag man ni Meghan nga pamatyag niya, nangin suicidal siya samtang naga-serbe bila isa ka royal.
