ILOILO CITY — Nagpanawagan si Former Iloilo City Councilor Atty. R Leone Gerochi nga imbestigaran sang Iloilo City Council ang Metro Pacific Iloilo Water (MPIW) kaangot sa ila pagpasaka sang rate sang tubig sa syudad.
Sa interview sang Bombo Radyo kay Gerochi, iya ginpahayag nga ang Iloilo City Council ang nagakadapat ang mangin responsable sa pag-imbestigar sa tikang nga ginaduso sang water distribution utility agud makaubra sang ila kaugalingon nga intelligence sang pagpanindugan.
Suno kay Gerochi, dapat usisaon sang konseho ang mga ginaserbisyohan sang water distributor kun may improvement bangud para sa iya kag bilang isa man sa mga konsumidor, wala nangin maayo ang paghatag sang serbisyo sang water distribution utility ilabi na sa kalidad sang tubig nga gina-deliver sa tagsa ka panimalay sa syudad.
Ginpahayag man sini nga indi maathag kun sa diin nga bahin ginpang-ilisan ang mga tubo rason nga nagakadapat nga liwat ini nga sekyaron.
Ginpaathag man sini nga tuyo sang ginpasa sini nga sulat nga maka-ubra sang resolusyon ang konseho nga nagakaisa sa plano sang MPIW, lakip ang mga pumuluyo.
Ginpakamalaut man sini ang pagpasugot sang konseho sa water distribution utility nga makapasaka sang presyo sang ila tubig apisar nga may mga bayolasyon sa ila kontrata.
