Ginkumpirma ni Former Iloilo City Mayor Atty. Jose ‘Joe’ Espinosa III nga magapadalagan siya bilang Congressman sa syudad sang Iloilo sa 2022 elections.
Sa exclusive interview sang Bombo Radyo kay Espinosa, iya ginpahayag nga duha na lang ka consultation ang iya ginahulat nga matapos bag-o magfile sang certificate of candidacy (COC).
Suno sa anay alkalde, may yara na siya sang mga plano kag bangud sa mga concern sa syudad ilabi na sa tunga sang COVID-19 pandemic, nagdesisyon man siya nga magpadalagan bilang mamalidha.
Nahibaluan nga si Espinosa ang Chairman sang Nacionalista Party sa syudad sang Iloilo.
Pahayag niya, may yara na sang councilors sa idalom sang nasambit nga partido nga magapadalagan man sa 2022 elections.
Dugang pa ni Espinosa, bukas man ang iya partido para sa mga daan nga myembro nga luyag magpareelect.
