Ginplastar ni anay Supreme Court Associate Justice Antonio Carpio ang masunod nga tikang nga pwede himuon sang Pilipinas matapos ang pinakaulihi nga pagpang-haras sang Chinese coast guard sa diin ginbungguan sang ila barko ang Filipino navy boats sa West Philippine Sea kun sa diin isa ka Filipino nga navy servicemember ang nautdan sang tudlo.
Suno kay Carpio, kinahanglan nga maresolba sang Pilipinas ang “technical problem” antes ini maka- file sang bag-o nga kaso batok sa China sa international tribunal.
Suno sa iya, ang tribunal wala sang hurisdiksyon sa military activities.
Ginrekomendar niya nga islan ang presensiya, halin sa military pakadto sa sibilyan, magatukod sang lighthouse nga gina-operate sang coast guard sa Ayungin Shoal bangud makabig nga sibilyan ang coast guard.
Mahimo man suno sa iya nga makatukod sang substation sang coast guard ukon research center ang University of the Philippines sa area.
Dugang niya, samtang makapugong ang China sa construction sang civilian replacement para sa BRP Sierra Madre, mahimo magdangop ang Pilipinas sa tribunal kag ipakigbato ang civilian activity ini.
Samtang, gin-athag man ni Carpio nga makahingyo ang Pilipinas sa Estados Unidos nga i-escort ang resupply missions para sa tropa sa Ayungin Shoal.
