Engaged na si Miss International 2013 Bea Santiago sa iya partner nga si Kurt Cheng.
Gin-share sini sa Instagram ang mga laragway sang pag-propose ni Cheng samtang yara sila sa San Francisco, California.
“In my favorite city that built me back up, I found the courage to live freely, love boldly, and embrace who I truly am,” caption naman ni Cheng sa iya post. “This Valentine’s felt different — she got the crown, and I got to put a ring on it,” dugang sini.
Matandaan nga si Bea amo ang nakadala-pauli sang ikalima nga Miss International crown para sa Pilipinas sang 2013. Sunod sini nga ginpadayon ang iya karera bilang host kag news anchor.
Nakit-an man siya sa acting partikular sa series nga “A Love to Last.”
Nangin bukas man si Bea sa publiko kun paano siya naka-recover bilang isa ka transplant survivor matapos siya na-diagnose nga may kidney failure sa edad nga 28.
