ILOILO CITY-Nagtaliwan na sa edad nga 69 ang former NBA player kag WNBA head coach nga si Joe “Jellybean” Bryant, amay sang napatay nga si Kobe Bryant.
Sang damlag lang sang nagsuprir sang massive stroke si Bryant tubtob nga wala na ini maka-recover.
Si Bryant ang nangin first-round pick (14th overall) sang Golden State Warriors sang 1975 antes ginbaligya sa Philadelphia 76ers.
Ang 6-foot-9 forward nag-average sang 8.7 points, 4.0 rebounds kag 1.7 assists sa 606 games sa sulod sang masobra walo ka NBA seasons upod sa Philadelphia 76ers (1975-79), San Diego Clippers (1979-82) kag Houston Rockets (1982-83).
Sang ulihi, naghampang si Bryant professionally sa Italy (1983-91) kag France (1991) antes nangin coach sang WNBA’s Los Angeles Sparks sang 2005-06 kag sang 2011.
Ang iya anak nga si Kobe Bryant ang nangin Hall of Fame player sa Los Angeles Lakers ang ginbawian sang kabuhi sa isa ka helicopter crash sang Jan. 26, 2020 sa edad nga 41 kaupod ang 13-anyos nga anak nga si Gianna.
