ILOILO CITY – Balantayan subong nga adlaw ang hampang ni Mark Anthony Barriga batuk sa Puerto Rican boxer nga si Jonathan “La Bomba” Gonzalez para sa WBO junior flyweight title sa Kissimmee, Florida.
Ang anay Olympian ang nagalaum nga makumpleto ang comeback trail pinaagi sa paglutos sa Puerto Rican nga may yara sang mas madamo nga eksperyensya sa pro level.
Nagatimbang si Bariga sang junior flyweight limit nga 106.4 pounds sang ginpatigayon nga weigh-in.
Si Gonzales naman ang makaduha ka bes nga nag-attempt antes nakuha ang 107.6 pounds weight.
Gin-kwestiyon ni Bariga ang weigh-in result ni Gonzales bangud ginapahayag nga ginbuligan ini sang iya amay agud nga makuha ang 108-pound limit.
Apang ang hampang ang magapadayon.
Ini na ang ikaduha nga attempt ni Bariga agud nga makuha ang titulo matapos ang IBF minimum title clash kay Carlos Licona tatlo ka tuig na ang nakaligad.
Siya ang nalutos pinaagi sa isa ka controversial split decision.
Ginakaptan ni Bariga ang record nga 11 wins with 1 defeat samtang si Gonzales naman ang may yara sang record nga 25-3-1 (1 NC).
