Liwat nga gintawag nga ‘bangag’ ni former President Rodrigo Roa Duterte si Presidente Ferdinand Marcos Jr.
Ini kadungan sabf ginhiwat naman nga proclamation rally sang Partido ng Demokratiko Pilipino (PDP) sa San Juan City.
Suno sa chairman sang Partido, adik sa illegal drugs si Marcos kag mag-abot ini sa edad nga 80, pat-ud nga wala na nagahulag ang presidente.
Sang 2024, gin-akusahan man ni Duterte si Marcos nga nagagamit sang illegal drugs.
Ang alegasyon nagtulod naman kay Marcos nga magbalos kag gin-akusahan ang former president nga nagagamit sang fentanyl.
Samtang, sa amo man nga rally, ginmuno man ni Duterte ang mataas nga presyo sang bugas nga, suno sa iya, nagagwa nga wala sang ikasarang si Marcos nga panubuon ini.
Madumduman nga sang nagpadalagan si Marcos para sa pagka- presidente sang 2022, ginpromisa sini nga panubuon ang presyo sang bugas.
