Nagpaathag sang dugang si former Punong Barangay Rex Teves sang Divinagracia, La Paz, Iloilo City matapos nagtaas gid ang tingog sini sang bakbakon kuntani ang baral ukon sagang sang drainage system pasulod sa ila nga barangay.
Kaangot ini sa ila nga kumprontasyon sang chief of staff sang City Engineer’s Office nga si Mr. Joel Gerasmia sang nagligad nga Mayo 29.
Sa interview sang Bombo Radyo kay Teves, iya ginpahayag nga wala sang husto nga koordinasyon sa barangay, kag wala nahangpan sang mga personnel nga kun buksan ang drainage, wala ini sang guwa-an sa punta sang Divinagracia bangud makipot ang kanal.
Ginpahayag nga ginbutang ang baral sang iya pa termino agud madependaran sang ila barangay, Barangay Aguinaldo, kag Barangay Alalasan bangud isa sila sa mga ginakonsiderar nga manubo nga areas kun sa diin kun magbaha, apektado ang ila lugar.
Ginklaro man sini nga wala sang siya sang ginkadol nga personnel, kundi ginpikpik lang sini ang isa ka tawo nga naga-obra agud nga mapaiway anay ang pagbakbak sang baral.
Natalana nga mag-istoryahanay ang involved nga mga opisyal kun yara na si Iloilo City Mayor Jerry Tre as.
Nahibalu-an nga nagahimo sang walk-through inspection ang composite team sang City Engineers Office, Office of Building Officials (OBO) kag Department of Public Works and Highways (DPWH) 6 agud hibalu-on ang rason sang pagbaha sa syudad kag agud nga mahatagan ini sang solusyon.
