Ginkontra sang anay myembro sang Communist Party of the Philippines- New People’s Army ang pahayag sang mga anay kaupdanan sini nga may mga sibilyan nga nalakip sa mga napatay sa engkwentro sa tunga sang militar kag rebelde nga grupo.
Natabo ang nasambit nga encounter sang Abril 19 kun sa diin 19 ang napatay kag ginapagwa sang CPP-NPA nga 10 lang sa mga napatay ang myembro sang New People’s Army (NPA)-Negros Island (Apolinario Gatmaitan Command) kag ang siyam nga iban pa ang mga sibilyan.
Sa interview sang Bombo Radyo kay Noel Legaspi, former rebel kag member sang BUKLOD KAPAYAPAAN FEDERATION INC., ang national federation sang former CPP-NPA rebels, iya ginpahayag nga naistorya sini mismo ang mga nadakpan nga mga rebelde matapos ang encounter, kag sila ang nagkumpirma nga lunsay mga combatant ang kaupdanan nila nga napatay.
Suno kay Legaspi, kalakip sa rebelasyon sang nadakpan nga mga rebelde nga ang napatay nga community journalist nga si RJ Nichole Ledesma kag UP student leader nga si Alyssa Alano ang wala nagkadto didto bilang researchers kag journalists kundi bilang mga NPA combatant.
Mangin ang duwa ka menor de edad nga napatay ang na-recruit na man sang grupo kag mismo ang iloy sang isa sa menor de edad ang nagkumpirma sini.
Bisan ang duha nga napatay nga foreign national ang duwa ka bulan na nga yara sa lugar sa idalom sang programa nga Adopt a Rregion Program sang The International Solidarity Work sang komunista nga grupo.
Dugang ni Legaspi, ang ginasiling sang CPP-NPA ang lunsay propaganda lamang agud patalangon ang mga tawo kag pagwaon nga sila ang biktima.
