Wala sang duwa-duwa nga ginpakigbahin ni former Iloilo 5th District Representative Niel “Jun-jun” Tupas nga suportahan sini ang iya utod nga si Iloilo 5th District Representative Raul “Boboy” Tupas pananglitan ini ang magpa-eleher bilang bise-gobernador sang Iloilo.
Ini kasunod man sa ginhiwat nga press conference kadungan sang oath taking sang Nationalist People’s Coalition (NPC).
Sa interview sang Bombo Radyo kay Jun-jun Tupas, iya ginpahayag nga handa ang Nationalist People’s Coalition nga makig-alyansa sa Partido Federal ng Pilipinas (PFP).
Nahibaluan nga si Iloilo Governor Arthur Defensor, Jr. man ang provincial kag regional chairman sang Partido Federal ng Pilipinas.
Suno kay Tupas, ginalauman niya nga baylohan man sang suporta sang iya utod ang iya suporta nga igahatag.
Ini kasunod man sang opisyal nga pag-endorso kay Jun-jun Tupas sang Nationalist People’s Coalition agud nga magpapili liwat sa pagka-congressman sa 5th Ditrict sang Iloilo.
Ang pagbaton ni Tupas ang ginhiwat kadunggan sang oathtaking kag meeting sang mga bag-o nga myembro sang amo nga partido.
Maga-file sang Certificate of Candidacy (COC) si Tupas kaupod ang iya Partido kag ang iya utod nga si former Mayor Niel Tupas III sa Oktubre 7, 2024.
