Matapos ang pila ka tuig nga wala nabatian sa pulitika, nagbalik na kag magapadalagan liwat sa pagka-alkalde sa Sara, Iloilo si anay Mayor Neptali “Tali” Salcedo.
Atubangon ni Salcedo si Retired General kag incumbent Sara Mayor Jon Onick Aying, amo man si incumbent Vice Mayor Jess Salcedo.
Madumduman nga nangin mainit ang pangalan ni Salcedo sang 2018 kun sa diin ginpasakaan siya sang kaso may kaangtanan sa One Time Big Time operation sang kapulisan sa ila nga balay sang Oktubre 17.
Kaso nga illegal possession of firearms and ammunition kag illegal possession of explosives ang ginpasaka batok kay Salcedo.
Kun matandaan, duha ang patay gikan sa pamilya ni Salcedo sang gin-raid sang pulis ang ila nga balay bangud sang ginapahayag kaangtanan sang pamilya sa illegal drug trade, gun-for-hire activities, gunrunning, kag pag-hire sang private armed groups nga naga-operate sa northern Iloilo province
