Gintuyo nga i-hostage sang preso sa sulod sang Philippine National Police Custodial Center sa Camp Rafael Crame si anay Sen. Leila de Lima.
Suno kay PNP Chief Police General Rodolfo Azurin Jr, hilway na ang anay senador.
“Ginawa pa pong hostage si Senator Leila de Lima. Ang ano naman do’n, kahit papaano, na-contain naman ng ating kapulisan. Of course, naitakbo ‘yung pulis natin sa ospital. Nasa critical condition,” pahayag ni Azurin.
Sa subong suno kay Azurin, gindala na sa ospital ang anay senador.
“Hindi masyadong nasaktan si Senator de Lima. Pina-pacheck up natin siya kung ano kalagayan niya. Definitely, she is safe.”
Apang kritikal naman ang isa ka pulis matapos ginbuno sang mga preso.
Ini amo si duty personnel Police Corporal Roger Agustin.
Naggamit sang improvised nga kutsilyo ang mga preso suno sa PNP Chief.
Ang mga ini amo sanday Arnel Cabintoy, Idang Susukan kag Feliciano Sulayao, lunsay myembro sang Abu Sayyaf terrorist group.
Ginluthang-patay naman sang mga pulis ang nasambit nga mga preso kasunod sang insidente.
Pilason man sa insidente ang preso nga si Jonathan Carpio.
Sa subong, nagapadayon pa ang imbestigasyon sa insidente.
