Matahum kag kinahanglan nga makit-an sang bilog nga Pilipinas suno kay Former Senate President Franklin Drilon ang Iloilo Terminal kag Central Market matapos ini nga naglagaw sa nasambit nga mga merkado kahapon nga adlaw, Abril 14.
Kaupod sini nga naglibot amo sanday Iloilo City Mayor Raisa Treñas kag Iloilo City Councilor Miguel Treñas.
Suno kay Drilon, ini amo ang pinakamatahum kag pinakalimpyo nga merkado nga iya nabisita sa bilog nga pungsod.
Ginpakigbahin man sang anay senador nga madugay na nya ini nga luyag nga kadtuan kag ginakabig nga world-class ang duha ka merkado nga iya mapa-anggid sa mga merkado sa Europa.
Dugang pa niya nga halin gid sang una, isa sa gihapon nga modelo sang urban development ang siudad sang Iloilo.
