Nagapati si Former Senator Franklin Drilon nga disbentaha sa mga pumuluyo kon ang impeachment trial ni Vice President Sara Duterte ang matabo pagkatapos sang 2025 midterm elections.
Sa interview sang Bombo Radyo kay Former Sen. Drilon, iya ginpahayag nga kon matabo naman ang impeachment trial subong antes ang eleksyon, dako ang ‘political pressure’ sa mga incumbent senators.
Suno kay Drilon, matigayon nga magdaog ang panindugan sang administrasyon ni President Ferdinand Marcos, Jr. kon matapos gilayon ang trial antes ang eleksyon.
Ginsuspetsahan man sang natungdan ang lihok sang administrasyon nga tubtob subong, wala nagapatawag sang special session.
Nahibaluan nga gintalana ni Senate President Francis Escudero ang trial proper sa impeachment ni Duterte sa Hulyo 30, base sa iya ginaduso nga kalendaryo.
Hayag man nga gina-abi-abi ni Escudero ang proposal ni Senate Minority Leader Aquilino “Koko” Pimentel III nga magbulig sa pag-draft sang ginaduso nga pagsulundan sa impeachment proceedings batok kay VP Sara Duterte.
