𝗠𝗔𝗡𝗜𝗟𝗔 — Ginhilway na sa tanan nga kaso sang ilegal nga druga si former Senator Leila de Lima matapos ang pito ka tuig.
Ini kasunod man sang pagbasura sang Muntinlupa court sang third kag final drug case sini.
Suno kay Atty. Boni Tacardon, legal counsel ni De Lima, iya ginpahayag nga si former Sen. De Lima ang nag-file sang demurrer sang Marso, nga may nakasaad sang pagpanghingyo sa korte nga i-acquit kag ideklara siya nga ‘not guilty’ sa prosikusyon agud pamatud-an nga wala ini sang sala.
Gin-athag man sang kampo ni De Lima nga tanan nga mga importante nga ebedensya sang prosikusyon ang ginpresentar sa hearing, sa diin, nagdeklara ang korte nga ang ebedensya sa prosikusyon ang wala sang basehan agud nga mapamatud-an ang amo nga drug case.
Nahibaluan nga ginpahanugutan ang anay senador nga makakuha sang bail sang Nobyembre 2023 matapos nga napreso sa Camp Crame sang February 2017 bangud sa mga alegasyon sa druga.
Una na nga gin-acquit si De Lima sang Pebrero 2021 matapos nagdesisyon ang Muntinlupa City RTC-Branch 205 nga ibasura ang tatlo ka mga kaso sini.
Sang Mayo 2023, ang Muntinlupa City RTC-Branch 204 ang gin-acquit man si De Lima kag Ronnie Dayan, sa kaso nga illegal drug trading charge.
Sang damlag lang, ang Quezon City court ang gin-dismiss man ang duha ka disobedience cases ni De Lima.
