Ginkondenar ni anay Senador Leila de Lima ang pahayag ni Vice President Sara Duterte nga luyag niya sang isa ka “bloodbath” sa impeachment trial sa Senado
Madumduman nga naghatag sang pahayag si VP Sara nga bisan pa nga nagahimo na sang pamaagi ang iya mga abogado nga malikawan ang impeachment trial, mas gustuhon pa niya nga madayon ini bangud luyag niya sang madugo nga proseso.
Suno kay De lima, bilang isa ka myembro sang panel sang mga prosecutor kag representante sang Mamamayang Liberal (ML) party-list sa ika-20th Congress, wala sang ‘bloodbath’ nga matabo sa impeachment trial.
Ginpasiguro man niya nga kun may dugo man nga mag-awas, amo lang ina sa gin-impeach, indi sa mga prosecutor, indi sa mga senador nga mga huwes, indi sa administrasyon, kag indi man sa pumuluyo.
Gindugang pa sang anay senador nga ang impeachment trial isa ka seryoso nga proseso salabton sa idalom sang Konstitusyon, kag indi dapat himuon nga entablado sang gamo ukon drama.
Ginpaandaman man niya ang kampo ni Duterte nga posible sila magapangatubang sang contempt kun ila gamuhon ang proceedings.
Sa katapusan, gin-challenge ni De Lima si Duterte nga atubangon ang proseso sang impeachment nga may pagrespeto sa layi.
