Patay ang isa ka anay bise-alkalde sa natabo nga shootout sa Brgy. Poblacion, Labuagan.
Ang napatay amo si Corey Dickpus, 64-anyos, isa ka “high fugitive” kag may P1-milyon nga patong sa ulo.
Suno sa otoridad, magaserbe kuntani sila sang warrant of arrest sa kaso nga murder kag frustrated murder batok sa anay opisyal apang nagbato ini sa kapulisan.
Nagbalos ang otoridad kag naigo sang bala si Dickpus.
Gindala pa ini sa ospital ang ginbawian gid sang kabuhi.
May isa ka pulis man nga napilasan sa shootout.
Si Dickpus ang isa sa mga most wanted sa Pilipinas.
Ginkabig man ini nga most wanted person sa Cordillera kaangot sa kaso nga double murder samtang siya ang nagaserbe sadto bilang barangay captain sang Poblacion.
Suspek ini sa masaker sang 2000 kun sa diin lima ang napatay.
