ILOILO CITY – Liwat nga magabalik sa ring ang former world champion nga si Jerwin Ancajas bilang undercard sa International Boxing Federation world super flyweight champion Fernando Martinez vs. Jade Bornea bout sa Hunyo 24 sa wala pa gin-anunsiyo nga venue.
Si Ancajas nga may 33-3-2 with 22 knockouts bilang isa ka professional boxer, ang magabalik kasunod sang back-to-back defeats sa kamot ni Martinez sang nagligad nga tuig.
Suno sa manager kag trainer niya nga si Joven Jimenez, nakahanda na si Jerwin para sa 118-pound bantamweight division.
Ang 31 anyos nga si Ancajas ang yara na kuntani sa punto nga makuha ang 10 ka mga world title defenses apang gintapos ini ni Martinez sang Pebrero 2022 kun sa diin, nalutos ini pinaagi sa unanimous decision.
Ang rematch ang natabo matapos ang walo ka bulan kun sa diin, liwat ini nga nalutos.
