ILOILO CITY – Nagpadulong na sa Estados Unidos ang former Pinoy world junior bantamweight champion nga si Jerwin Ancajas agud nga padayunon ang iya nga training.
Suno sa iya coach nga si Joven Jimenez, base sa ila naistoryahan sang MP Promotions president nga si Sean Gibbons, magapaidalom sa training si Ancajas sa Las Vegas.
Makaupod niya nga maga-ensayo ang anay world champion nga si Marlon Tapales, junior bantamweight contender Jade Bornea kag Olympic bronze medalist nga si Eumir Marcial nga naka-base na subong sa Las Vegas.
Magasaka na sa bantamweight class si Anjacas pagkatapos sang duha ka sunud-sunod nga kalutusan batuk kay Fernando Martinez sang Argentina.
