Nakatalana nga i-schedule sang Pre-trial Chamber I sang International Criminal Court (ICC) ang ebidensya sa pag-akusar kay former President Rodrigo Duterte.
Sa interview sang Bombo Radyo kay Atty. Gilbert Andres, Bombo International Correspondent in The Hague, Netherlands (Executive Director- Center for International Law), iya ginpahayag nga ang tikang ang sa ka proseso sa isa ka tawo nga gin-akusaran sang dalagku nga mga krimen pareho sang genocide, crimes against humanity, kag war crimes.
Suno kay Andres, mahimo nga magsugod buwas ang proseso, apang ang ‘confirmation of charges’ ang indi gilayon masugoran bangud sa aspeto sang ‘technical process’ sang kaso.
Gintumod man sini nga mahimo nga Filipino ukon foreigner ang mangin abogado ni former President Rodrigo Duterte.
Gin-athag man sini nga magapabilin si Duterte nga yara sa Netherlands samtang nagadalagan ang kaso.
Ginalantaw naman sang natungdan nga mahimo matuigan ang pagbusisi sang hukom sa kaso sang anay presidente.
Nahibaluan nga kon may conviction ang isa ka akusado, mahimo nga i-transfer ini sa isa ka pungsod nga myembro sang International Criminal Court.
Apang, bangud sa nag-withdraw ang Pilipinas sa ICC sang 2019, indi na mahimo mabaton si Duterte sa Pilipinas kon ini ang ma-convict sa kaso nga crime against humanity.
Posible na man nga ang pila ka ‘state parties’ ukon pungsod nga myembro sang ICC ang may sarang nga makabaton sa anay presidente matapos ang conviction sa ICC.
