Nagsunod na ang France sa mga kaalyado sini nga Western countries nga nagakilala sa Palestine bilang isa ka state.
Ginpahibalo ini sa world summit antes ang paghiwat sang United Nations General Assembly (UNGA) sa New York.
“We must pave the way for peace,” suno sa summit host nga si French President Emmanuel Macron. “Today, France, recognizes the state of Palestine.”
Una na nga nagkilala sa estado sang Palestine ang mga pungsod nga Australia, Britain, Canada, kag Portugal. Nagaplano naman ang iban nga miyembro sang UN pareho sang Belgium, Luxembourg, San Marino, kag Malta nga magkilala man sa amo nga state.
Nahibaluan nga may delegation nga naga-represent sang State of Palestine nga may observer status sa United Nations – apang wala ini sang voting rights.
Bisan pila ka ka pungsod ang maga-kilala sang Palestinian independence, kinahanglan sa gihapon sa full U.N. membership ang approval sang Security Council. Myembro sa sini nga council ang US, kaalyado sang Israel, nga may yara sang veto power.
