Ginalantaw nga magapanami pa sang imahe sang Pilipinas sa mga foreign investors ang free trade agreement (FTA) upod sa United States—ang pinakadako nga ekonomiya sa kalibutan.
Ini suno kay Frank Lavin, nga nagserbe bilang undersecretary for international trade sa US Department of Commerce (DOC)sang tion sang administrasyon ni George W. Bush.
Suno sa iya, sa subong, kun hambalan ang top 10 markets para sa expansion kag activity, indi malakip diri ang Pilipinas apang kun may yara sang free trade agreement , mahimo nga malakip ang Pilipinas sa listahan.
Pahayag niya, kun ikumpara sa iban nga pungsod sa Southeast Asia, tuman ka layo ang abanse sang iban nga pungsod kun istoryahan ang foreign direct investment kaangay sang Singapore nga may $175.2 billion, Indonesia nga may $21.7 billion, kag Vietnam nga may $12.7 billion.
Ang Pilipinas may yara lang sang $8.9 billion.
Base sa latest data halin sa Philippine Statistics Authority (PSA) , ginapakita nga ang United States ang pinakadako nga recipient sang Philippine exports sang Pebrero nga may $947.83 million ukon 16.0% sang total, nga ginasundan sang Japan nga may $849.17 million ukon 14.4%.
