PARIS, FRANCE – Nagtanyag ang sikat nga underwear company sang lifetime nga supply sang swimwear sa French Olympic diver nga si Jules Bouyer.
Ini matapos nag-viral ang pictures ni Bouyer sa diin makit-an nga nagabukol ang iya kinatawo samtang nagasuksok sang iya swimwear sa paghampang sini sa Paris 2024 Olympics.
Suno sa kumpaniya nga Shinesty — nga kilala sa ila Ball Hammock Pouch Underwear — magahatag sila kay Bouyer sang libre nga underwear tubtob nga nagakabuhi ini.
“When we saw what Olympic diver Jules Bouyer was packing in his South of France, it didn’t matter that we were an American company.”
Paathag sang kumpaniya, luyag nila nga mabuligan si Bouyer nga maprotektahan ang iya kinatawo para sa mga masunod pa nga Olympics.
“We wanted to give it a gold medal and protect that front truck of his for many Olympics to come.”
Ginpahayag sang Shinesty nga kabahin sang ila package sa 22 anyos nga diver amo ang Ball Hammock underwear kag swim trunks.
Luyag man nila nga mag-team up kay Bouyer agud maghimo sang “The Family Jules” swim briefs.
Kaangot sini, nagpangabay naman si Bouyer sa publiko nga mas maayo nga tutukan sang iya fans ang iya performance sa baylo nga sa iya swimwear.
