Nagpatigayon na sang COVID-19 vaccine injection ang pila ka mga frontline health workers sa Chicago, Illinois, USA.
Suno kay Bombo International Correspondent Nilda Job, tumandok sang Barotac Nuevo, Iloilo apang nagatrabaho bilang medical technologist sa Chicago, Illinois, isa sa mga correspondents sang Bombo Radyo Iloilo sa 50 ka mga estado kag isa ka distrito sang Columbia sang Estados Unidos, nag-umpisa na ang pagpaidalum sang injection sang COVID-19 vaccine sa nasambit nga pungsod sa pila ka mga ospital.
Pahayag ni Job, halos tanan niya nga kaupod sa trabaho ang nagpa-inject naman sa COVID-19 vaccine.
Ginkalipay man sang natungdan, bangud may yara na sang vaccine gani gilayon siya nga nagpa-inject.
Dugang pa ni Job, nakabatyag lang siya sang pagpangadlay sa butkon bangud masakit ang injection apang maayo kag mapagsik sa gihapon ang iya kahimtangan subong.
