Ginapaalinton sang local government sang Shenzhen sa China ang mga manugbakal nga mangin maid-id sa pagbakal sang imported frozen food matapos magpositibo sa COVID-19 ang chicken wings nga halin sa Brazil.
Natukiban ang virus sang ginpa-idalom sa screening ang batch sang chicken wings sa Longgang district.
Gilayon nga gin-trace kag gin-test sang Shenzhen health authorities ang mga tawo nga naka contact sa amo nga produkto sa diin ang tanan nga resulta ang nag-negatibo.
Sa subong, gina-trace sang otoridad ang mga kaangay nga produkto gikan sa kaangay man nga brand nga nabakal na kag gin-disinfect naman ang lugar sa diin nabutang ang mga chicken wings.
Nahibaluan nga may yara na sang 3.1 million ka mga kaso sang COVID-19 ang Brazil — ika-duha sa may pinakamataas nga kaso sa bilog nga kalibotan santu sa tally sang John Hopkins University.
