Pasakaan sang kaso nga frustrated murder ang suspek sa pagbuno sa iya kontra sa Barangay Cuyad, Alimodian, Iloilo.
Ang biktima amo si Ricky Anib, 34 , samtang ang suspek amo si Alyas Lamang yara sa legal ang edad.
Sa interview sang Bombo Radyo kay Police Lt. Rolly Sorongon, Deputy Chief of Police sang Alimodian Municipal Police Station, iya ginpahayag nga natigayon na nga mapasaka ang kaso batok sa suspek sang nagligad nga adlaw.
Suno kay Sorongon, samtang nagasug-alaw sang bag-ong tuig, nagasaot ang biktima sang hinali nga ginbuno ini sang suspek.
Nag-agom sang pilas sa dughan ang biktima kag gilayon naman nga gindala sa Aleosan District Hospital.
Sa subong, gin-transfer ang biktima sa Western Visayas Medical Center kag padayon nga ginalapatan nga pagbulong.
