Sugod Oktubre 1 tubtob 15, magasaka sa Level 17 ang fuel surcharge sang mga airline, halin sa Level 14 suno sa Civil Aeronautics Board (CAB).
Suno sa CAB, Para sa domestic flights, ang surcharge magalab-ot sa P559 tubtob P1,635, samtang P1,846.10 tubtob P13,726.58 naman para sa international flights, apang nakadepende gihapon sa kalayuon sang biyahe.
Pahayag pa, gina-monitor ang presyo sang fuel kada 15 ka adlaw bilang basehan sa surcharge.
Ang fuel surcharge isa ka dugang nga bayad sa base fare agud mabuligan ang mga airline sa epekto sang pagbag-o sang presyo sang aviation fuel.
Dugang pa, ang applicable exchange rate para sa surcharge amo ang P62.71 kada US dollar, kag ang mga airline nga magapatuman sini ang kinahanglan mag-file sang ila aplikasyon antes magsugod ang amo nga period.
