Nagdangat na sa 25 percent ang numero sang mga fully vaccinated individuals sa syudad sang Iloilo.
Sa interview sang Bombo Radyo kay Mr. Jeck Conlu, spokesperson sang COVID-19 Team sang Iloilo City Government, iya ginpahayag nga magluwas sa 25% sang pumuluyo nga nakabaton sang ila second dose, 30% naman ang nakabaton na sang ila first dose.
Suno kay Conlu, ginakalipay sang syudad nga mas nagadamo na ang luyag nga magpabakuna sa diin sa kada vaccination site, madamo man sang nagapadulong apisar wala sang ticket sa paglaom nga mabakunahan pinaagi sa substitute ukon fillers sa mga wala naga-abot sa ila schedule.
Samtang, ginpat-od man sang natungdan nga padayon ang ila monitoring sa posibilidad sang baligyaanay sang ticket para sa COVID-19 vaccination.
