Ginkilala sang mga lokal nga opisyal sa Mandaue City, Cebu ang ginhimo ni Ei Mei Lee Chiu-Maningo nga nag-una anay salbar sang iya mga ido antes sini ginluwas ang iya kaugalingon sa daku nga sunog sa isa ka bulding.
Ginhatag ang recognition sa regular city council session kun sa diin nagtambong man ang duha ka mga ido nga sanday “Miyah” kag “Kayen.”
Nagpahanumdom man si Maningo sa iban pa nga fur parents nga mangin responsable kag mangin mapinalanggaon sa ila nga mga hinuptanan.
“Let us be responsible, because our pets have no way of telling us what they feel, so we must be responsible and compassionate enough to truly take care of them,” suno sa iya.
Matandaan nga apisar tuman na kadaku ang kalayo kag tuman na ka damol ang aso, ginhakwat ni Maningo ang iya duha ka ido kag gin-itsa sa idalom antes siya nagpanaog sa ikatatlo nga panalgan sang H & E Industrial Inc. building.
Ginsalo sang mga tawo sa idalom ang mga ido, samtang nag-assist naman ang mga katapo sang Bureau of Fire Protection (BFP) sa pagpanaog sa fur mom.
