Nadepensahan ni RING kag WBC world heavyweight world champion Tyson Fury sang Britain ang iya world title kasunod sang eleventh-round knockout stoppage batok kay Deontay Wilder sang Amerika.
Ang away sang duha ka boksidor sa T-Mobile Arena sa Las Vegas, USA amo ang isa sa ginakabig all-time great heavyweight bouts.
Duha ka beses nga natumba si Fury sa fourth round sang hampang.
Apang sa brutal nga roller coaster fight, gintumba sang 33 anyos nga Briton ang Amerikano nga si Wilder sa ika-10 nga round.
Sa 1:10 mark sang round 11, gin-knockout ni Fury si Wilder paagi sa iya nga right hook.
Sa subong, bitbit ni Fury ang iya 31-0-1 nga record, samtang si Wilder naman ang may yara sang 42-2-1 record.
Matandaan nga may yara na sang history sanday Fury kag Wilder sa controversial draw sa Los Angeles sang 2018, antes nga na-secure ni Fury ang seventh-round knockout sa ila ikaduha ng away 20 ka bulan na ang nagligad.
