SARA, ILOILO – Padayon kag wala sang palya ang operasyon sa Sara District Hospital apisar nagpositibo sa COVID-19 ang Chief of Hospital.
Kahapon sang aga, Marso 9, sang ginkumpirma sang Hospital Management Office sang Iloilo Provincial Government nga nagpositibo sa virus si Dr. Rodolfo S. Dumayas, Jr.
Sa interview sang Bombo Radyo kay Dr. Cynthia Cabangal Ng, chief sang Hospital Management Office sang Iloilo Provincial Government, iya ginpahayag nga naka-isolate na subong sa ila nga balay ang doktor.
May mild symptoms lang ini nga ginabatyag sa lawas apang suno kay Ng, maayo naman ang iya nga kondisyon.
Nagpahayag si Ng nga ianunsyo man gilayon sang talatapan kun may pagbag-o sa hospital operations kun may marekord nga kaangay sini nga kaso.
