Suspendido gihapon ang face-to-face classes sa syudad sang Iloilo subong nga Myerkules, Mayo 22, tubtub buwas, Mayo 23, bangud sa mainit nga tyempo.
Sa gin-anunsyo ni Iloilo City Mayor Jerry Treñas, epektibo ang suspensyon sa tanan nga lebel sa pampubliko kag pribado nga mga eskwelahan.
Nagapabilin ang kondisyon sang alcalde nga mahimo makabalik sa in-person classes ang mga buluthuan nga may yara sang air-conditioned nga classrooms.
“I hereby declare the suspension of face-to-face classes in all levels, both public and private, in Iloilo City due to the forecasted heat index of estimated 45 degrees by PAGASA on Wednesday , May 22, and Thursday , May 23. For those schools with air-conditioned classrooms, you have the discretion to hold face-to-face classes,” suno kay Treñas.
Sang Lunes kag Martes, matandaan nga may suspensyon man sa face-to-face classes bangud sa heat index sa Iloilo City nga delikado para sa ikaayong lawas sang mga manunudlo kag mga estudyante.
