Magasapol virtually ang G7 leaders agud istoryahan ang krisis sa Afghanistan.
Suno kay British Prime Minister Boris Johnson, diskusyunan man sang mga lider ang mga paagi agud malikawan nga maglala ang sitwasyon sa amo nga pungsod sa tunga sang pagkontrol sang militante nga Taliban.
“It is vital that the international community works together to ensure safe evacuations, prevent a humanitarian crisis and support the Afghan people to secure the gains of the last 20 years,” pahayag ni Johnson sa Twitter.
Ang Britanya subong ang nagauyat sa rotating leadership sa G7: United States, Italy, France, Germany, Japan kag Canada.
Si U.S. President Joe Biden, nga subong ginapakamalaot bangud sang iya pag-handle sa withdrawal sang U.S. forces sa Afghanistan, ang magasapol man virtually sa G7 leaders agud nga ma-coordinate ang mga polisa, kag maistoryahan ang evacuation efforts kag humanitarian assistance. #
