Nagapanindugan si Armed Forces of the Philippines (AFP) Southern Luzon Command chief Lt. Gen. Antonio Parlade Jr. nga may yara siya sang ginauyatan nga mga ebidensya may kaangtanan sa iya ginahingadlan nga mga grupo nga terrorist front.
Sa exclusive interview sang Bombo Radyo Iloilo kay Parlade, iya ginpahayag nga ginahanda lang niya ini nga mga pamatuod antes pasakaan sang kaso ang iya ginatumod nga mga grupo.
Partikular nga ginmensyonar ni Parlade ang Gabriela Youth kag ang Anakbayan.
“Ito na ang magandang pagkakataon para ma-isolate natin ang legitimate na aktibista sa mga terorista na nagtatago sa mga organisasyon. Pangalanan ko ang Gabriela Youth. It is a legal and legitimate organization but ito ay pinatatakbo ng Communist Party of the Philippines through the Makibaka. Makibaka is an underground organization na nakatago sa Gabriela Youth at ito ang responsable sa pagrecruit sa youth members para tumuloy sila sa armadong pakikibaka,” pahayag ni Parlade nga amo man ang tagpamaba sang National Task Force to End Local Communist Armed Conflict.
Suno pa kay Parlade, “Napaka-slim ng dividing line between being an activist, member ng Gabriela Youth and becoming a terrorist… being a part of the NPA.”
Ginpahayag pa ni Parlade nga santo sa nakuha nila sa record ni National Democratic Front of the Philippines (NDFP) consultant Vicente Ladlad sang Setyembre 2015, nagdangat sa 8,635 nga miyembro sang Anakbayan ang narecruit sang rebelde nga grupo nga nagaedad 13-33 anyos.
“Malamang, marami sa narecruit nila ay nasa bundok na. Marami sa kanila ay patay na. Ang iba ay nahuli natin,” pahayag ni Parlade.
Suno kay Parlade, 134 pa ka grupo ang yara sa rekord sang founder sang Communist Party of the Philippines nga si Jose Maria Sison kag madamo sa sini ang youth organizations.
Indi redtagging suno kay Parlade ang ila ginahimo bangud sa pagkamatuod, ang tinaga nga ‘red tag’ ang defense mechanism sang miyembro sang mga rebelde.
“Mayroon tayong ebidensya. Hindi tayo nag-re-red tag sa kanila. Defense mechanism nila yun. Hindi totoo na threatened sila.”
Para sa mga tawo nga ‘indi luyag i-label bilang Reds apang nagahulag nga Reds kag nagatrabaho upod ang Reds’, ginsanto ni Parlade ang iya statement sa McCarthyism ni late US Sen. Joseph McCarthy nga: “if you walk like a duck, talk like a duck, you must be a duck.”
Suno pa kay Parlade, husto ang pahayag ni Interior Secretary Eduardo Año nga “unfair” nga papanaugan siya sang gag order ukon pahipuson bangud suno sa iya, ini ang husto nga tion nga painon ukon ipahayag kun sin-o ang matuod nga aktibista kag kun sin-o ang ginapadalagan sang terorista.
