ILOILO CITY — Gindesisyunan ni Punong Barangay Manuel Militar sang Taft North Mandurrio Iloilo City ang gabyon nga gintambak sang chinese businessman sa Dungon Creek.
Ini matapos nga nagcoordinate sa iya ang City Environment and Natural Resources Office (CENRO) nga pauntaton ang kung ano man nga aktibidad sang mga tinawo ni Ong Ching Liung sa reclamation.
Suno kay Kapitan Militar, naglaum ini nga ipakuha sang Chinese business man ang gabyon nga iya ginpatambak matapos nga amo man ini ang iya nangin commitment sa dialogue nga ginpatigaaon sang tinalikdan apang nakibot ini sa iya liwat nga pagtsekyar sa lugar nga ginbuhosan pa sang semento ukon gin-stabilize ang iya ginpahamtang nga gabyon.
Ang gabyon nga ginpatambak sang Chinese businessman ang ginatudlo sang mga pumuluyo sang Calubihan kag Desamparados sa Jaro kag Taft North, Bakhaw kag Bolilao sa Mandurriao nga amo ang ginatunaan sang pagsaka sang lebel sang tubig sa kada mag-ulan-ulan.