Galvez, nagpaandam sa mga nagapameke sang RT-PCR test result

Nagpaandam si COVID-19 national policy chief implemeter Carlito Galvez Jr. batuk sa mga nagapameke sang RT-PCR test result.

Suno kay Galvez, imbestigahan sang gobyerno ang mga nagapameke sang resulta sang swab test.

Ginmanduan sini ang Research Institute for Tropical Medicine kag Department of Health nga ihatag sa iya ang detalye sang mga natukiban nga nagapameke sang resulta agud maumpisahan ang pag-imbestiga.

Panugyan ni Galvez sa publiko, indi pag-ilugon ang nasambit nga modus bangud tuman ka delikado ang pagpameke sang resulta sang RT-PCR test bangud kabuhi sang tawo ang ginaistoryahan.

Magapangayo man ini sang bulig sa PNP kag sa Department of the Interior and Local Government agud malantaw ang ini nga sahi sang violations.