Padayon ang negosasyon sang gobyerno sang Pilipinas agud makakuha sang Sputnik V vaccine nagikan sa Russia.
Ini ang ginpahayag ni vaccine czar Carlito Galvez Jr.
Santu sa mga reports, mataas ang “efficacy rate” sang Sputnik V kun ipaanggid sa iban nga bakuna.
Apang nagpamalibad si Galvez nga ibuyagyag kun pila ka doses sang bakuna ang luyag nga makuha sang gobyerno bangud sa confidentiality disclosure agreement (CDA).
Base naman sa Lancet medical journal, 92% ang ka-epektibo sang Sputnik V vaccine.
Nagalaum man si Galvez nga mahatagan ini sang emergency use authorization sang Food and Drug Administration sa pungsod.
