Jaro, Iloilo City – Hugot nga ginabantayan sang mga barangay officials ang ginapahayag nga illegal gambling sa mga peryahan nga sa Commission Civil St., Luna, Jaro, Iloilo City.
Ini matapos nagmando si Iloilo City Mayor Jerry Treñas nga dakpon ang kun sin-o nagapakigbahin sa amo nga sugal.
Sa interview sang Bombo Radyo kay Punong Barangay Rey Bion sang Luna, Jaro, Iloilo City, iya ginpahayag nga gin-istorya na niya ang operator kag nag-promisa nga paga-islan na ang premyo nga santo sa pagsulundan sang alkalde.
Suno kay Bion, maga-konsulta siya sa Iloilo City Goverment kun ano ang maayo nga himuon sa mga peryahan sa distrito sang Jaro.
Kun matandaan, ginapahanugutan lamang sa amo nga peryahan amo ang rides, kiosko, bazaar kag iban nga hampang sa diin ang mga premyo ang items lang kag indi kwarta.
Nahibaluan nga ang pagtukod sang peryahan ang kabahin sang nagahilapit nga kapiestahan sang Nuesta Señora de la Candelaria sa Pebrero 2.
