Nakatambung na sa senate investigation ang gaming tycoon nga si Charlie “Atong” Ang angut sa pagkadula sang 31 ka mga cockfighting enthusiat ukon mga manugbulang.
Napaslawan ini nga makatambung sa una nga hearing sa Senate committee bangud sa health issues.
Si Charlie Ang amu man ang bise presidente sang Luck 8 Star Quest Inc., isa sa mga gaming companies nga ginhatagan sang lisensya nga mag-operate sang Philippine Amusement and Gaming Corporation (PAGCOR).
Suno kay Senator Ronald dela Rosa, ang chairman sang Committee on Public Order and Dangerous Drugs, importante ang papel ni Atong sa imbestigasyon bangud siya ang nagapanag-iya sang duha ka cockfighting arenas sa diin ginpahayag ulihi nga nakit-an ang mga nadula nga manugbulang.
Nahibaluan nga sang nagligad nga lunes, na-file na sa senado ang proposed Senate Resolution 996 nga ginpirmahan sang 23 ka mga senador.
Ang amu nga resolusyon ang nagaduso sa PAGCOr nga i-suspende ang lisensya sang online sabong nga mag-operate tubtob nga wala pa nakit-an ang mga nadula nga mga cockfighting enthusiast.
Ginkumpirma man sang Philippine National Police nga anom ka mga insidente ang ila nabaton nga reported missing nga naga-involve sang 31 ka mga indibidwal kag tanan ang nakapadulong sa cockpit arena sa Manila kag southern Luzon.
Gin-ako man ni Atong nga lakip ang isa ka retired national police chief, isa ka former kag incumbent congressmen ang nagadumot sa iya angut sa iya pagdumala sang pinakadako nga online sabong operation sa pungsod.
Ginkalain naman sang buot sang natungdan ang alleged “trial by publicity” sang Lucky 8 Star Quest Inc, kag nagaisahanon nga gin-imbestigahan sang Senate committee on public order and dangerous drugs.
Nag-request man si Atong sang executive session kaupod ang myembro sang komitiba bangud handa ini nga maghatag sang vital information angut sa mga nagkaladula nga manugbulang.
