ILOILO CITY- Natumod na ang grupo sang mga pamatan-on sa likod sang natabo nga pagbuno-patay sa isa ka soltero sa Brgy. Democracia, Jaro, Iloilo, Iloilo City.
Ang biktima amo si Neil Gulmatico,18, residente sang Brgy. Benedicto, Jaro, Iloilo City.
Sa interview sang Bombo Radyo kay Punong Brgy. Amadeo Sultan sang Simon Ledesma, Jaro, iya ginpahayag nga ang amo ng grupo ang ginatawag nga Batang Wise ukon Wise Men.
Suno kay Sultan, bag-o ini nga grupo sang mga pamatan-on nga menor de edad nga mga residente sang Simon Ledesma.
Pahayag sang Punong Barangay, may mga chapter man ang grupo sa iban nga barangay kun sa diin myembro man ang 14-anyos nga taga- Veterans Village, Iloilo City Proper kag ginatudlo nga nangamot sa pagpatay sa biktima.
Dugang pa sang opisyal, may mga babaye man nga myembro ang amo nga grupo.
