ILOILO CITY – Ginakabig naman ni Iloilo City Vice Mayor Jeffrey Ganzon nga God’s will ang iya nga pagkadaug sa pulitika.
Suno kay Ganzon, mismo ang Ginuo na ang nagpangita sang paagi agud nga magdaug ang mga nagakadapat nga kandidato.
Ginpahayag man ni Ganzon nga tuman ang iya nga pagpasalamat sa iya grupo sa pagpamuno ni Iloilo City Lone District Cong. Jerry Treñas.
Kadungan sini, nagpasalamat man si Ganzon sa mga pumuluyo sang syudad nga nagsakdag sang iya kandidatura.
Temprano pa nga nag-concede si Iloilo City Councilor Plaridel Nava sa iya kandidatura sa pagka bise alkalde sa syudad sang Iloilo.
Alas 8:16 pa lang kagab-i, ginpahayag na sa Bombo Radyo ni Nava nga nabaton na niya ang kalutusan kay Vice Mayor Jefrey Ganzon.
Nagapasalamat si Nava sa tanan nga nagsakdag kag nagboto sa iya.
Ang iya nga pag-concede suno sa natungdan ang pagpakita sang sportsmanship sa iya mga kasumpong sa pulitika.
Kadungan sini, ginpahayag man sang Konsehal nga ini na ang iya last term sa pulitika.
Iloilo City Councilor Plaridel Nava
