Posible nga i-withdraw ni Iloilo 1st District Representative Janette Garin ang House Bill No. 6292 – Expansion of MORE Power Franchise sa pito ka mga kabanwahan sa first district.
Sa interview sang Bombo Radyo kay Garin, iya ginpahayag nga mahimo niya ini bawion inkaso nga magpasugot ang Iloilo Electric Cooperative (ILECO) nga panubuan ang presyo sang kuryente.
Suno sa iya makapila na ini gindala sa ila nga mga pagsinapol kaupod ang General Manager sang ILECO 1 Mike Paguntalan apang daw kaangay nga ginapabungolan lang nila ini.
Dugang ni Garin, ang importante subong sa iya amo nga mapasar ang house bill agud mapanubo ang presyo sang kuryente, masulod man ukon indi ang MORE power.
