Ginpakigbahin ni ”Mr. Pure Energy” Gary Valenciano nga sa karon nagapadayon ini sa pagpabulong sa cellulitis.
Ang cellulitis isa ka impeksyon sa panit sang tawo nga naghalin sa bacteria.
Nagakatabo ini sa mga magamay nga pilas kag kagat sang insekto nga ginsudlan sang mikrobyo.
Suno kay Gary, napilas ang nawala sini nga tiil rason nga may yara sang nagsulod nga bacteria gani kinahanglan sini nga magpaidalom sa nagkalain-lain nga test.
Apisar nga madamo sang test ang kinahanglan sini nga himuon, na-amat-amat na ini nga nagabalik sa iya nakaandan nga gina-obra.
Dala na diri ang pag-rekord sang podcast kag makipag-angot sa mga nagakalain-lain nga personalidad sa industriya paagi man sa “honest, soul-searching conversations sa ila nga ‘shaking seasons.’
Nahibaluan nga sang tuig 2018, na-diagnose man si Gary sa sakit nga may bara ini sa iya wala nga artery kag nagpaidalom man ini sa isa ka emergency cardiac bypass surgery.
Sa amo man nga tuig, nahibaluan sini nga may ara ini sang cancer sa kidney gani nagpaidalom man ini sa isa ka partial nephrectomy kun sa diin kinahanglan nga kuhaon ang kidney sini nga may cancer.
Nancer-free ini pagkatapos sang amo nga operasyon.
Kilala man si Gary bilang aktibo sa iya Christian ministry kag inspirational speaking nga permi sini ginadala sa iya musika nga ginapakigbahin sa iban nga tawo.
