Mahilig ka bala magluto gamit ang non-stick nga pan ukon kalaha? Base abi mo nga okay lang bisan may gasgas? Pero suno sa mga eksperto, delikado na ina sa lawas!
Pahanumdom ini sa mga nagagamit sang non-stick cookware sa pagluto, bisan isa lang ka gasgas sa pan ukon kalaha, may posibilidad nga magdala sang peligro sa lawas.
Suno sa pagtuon sang Global Centre for Environmental Remediation, ang gasgas sa Teflon coating sang non-stick pan mahimo magpagwa sang sobra 9,000 ka toxic nano particles.
Ginsiling pa sang mga researcher halin sa Australia nga bisan isa lang ka luto, posible nga magpagwa sang tubtob 2.3 million ka microplastic kag nanoplastic particles.
Ini nga mga particles mahimo magtipon sa sulod sang lawas kag magdala sang hormone disruption, sakit sa mga organs, kag posible nga cancer.
Gani, bilin sang mga eksperto: likawan na ang daan nga non-stick pan kag maggamit sang alternatibo pareho sang stainless steel, cast iron, ukon ceramic cookware.
