ILOILO CITY – Atensyon sa mga motorista!
Ginapanan-aw nga magasaka na naman ang presyo sang gatong sa masunod nga semana.
Ang presyo sang gasolina kag kerosene ang posible nga magsaka sa ika-anum na nga sunud-sunod nga semana kun matabo.
Samtang, posible nga wala sang pagbag-o sa presyo sang diesel ukon may gamay lang nga pagnubo.
Suno kay Oil Industry Management Bureau Assistant Director Rodela Romero, ang ginapanan-aw nga price adjustments amo ang masunod:
Gasolina- mahimo nga magsaka sang P0.90 tubtob P1.20 per liter
Diesel – mahimo nga wala sang adjustment ukon may rollback nga P0.20 per liter
Kerosene – mahimo nga magsaka sang P0.40 tubtob P0.70 per liter
Ang projected mixed movements sa presyo sang gatong ang bangud sa pagluya sang ekonomiya sang China kag ang amat-amat nga pagnubo sang demand, ang senyales sang pagbalik sang inflation sa Estados Unidos, ang pagbaskog sang dolyar, kag ang mataas nga expected draw sa United States inventories.
