Nagpaguwa na sang statement si Senator Sherwin Gatchalian matapos ang kontrobersiya nga ginkaulamiran sang iya girlfriend nga si Bianca Manalo.
“Bianca and I share the same values and principles in life. No fake news will divide us apart,” caption sini sa iya Instagram post sang iya gin-share ang laragway sang Christmas gift halin kay Senator Sonny Angara kag asawa sini nga si Elvira Angara.
Mainit ang pangalan sang beauty queen-actress subong nga semana matapos nag-leak ang ila private conversation ni Rob Gomez nga iya co-star sa “Magandang Dilag”.
Sa amo nga pag-istoryahanay, nagaguwa nga si Manalo ang nagahingyo nga magkit-anay sila sang aktor kag may nakabutang pa nga: “He’s not here. He’s in Valenzuela.” Gin-assume sang netizens nga si Gatchalian ang “he” nga ginatumod sang aktres ilabi na bangud taga-Valenzuela ang senador.
Una na nga nagdepensa si Manalo kag nagsiling nga mag-abyanay kag co-workers lamang sila ni Gomez.
Yari ang kabahin sang statement sang aktres:
“It is upsetting that our conversations were exposed without my consent, which is a breach of privacy and the cause of so much online. It is obvious that parts of our conversation were deleted to create malicious insinuations.
To be honest, this unfounded accusation is hurting me and my loved ones…
Let us spread love and the truth this holiday season. Merry Christmas, everyone.”
Una naman nga ginsiling ni Gomez nga wala sa iya possession ang iya cellphone sang gin-post ang amo nga screenshots sang private conversation sa iya mismo social media account. #
